يرحب بكم منتدى قهوان الرياضي



رياضي ثقافي اجتماعي
 
الرئيسيةاليوميةس .و .جبحـثالتسجيلدخول

شاطر | 
 

 قصيدة عن الام.....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملكي موت
عضو v.i.p
عضو v.i.p


عدد المساهمات : 198
تاريخ التسجيل : 12/08/2011

مُساهمةموضوع: قصيدة عن الام.....   الخميس سبتمبر 08, 2011 5:53 pm

اقرءوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي... أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..
الرجوع الى أعلى الصفحة اذهب الى الأسفل
فتى قهوان3
عضو v.i.p
عضو v.i.p
avatar

عدد المساهمات : 267
تاريخ التسجيل : 11/08/2011
الموقع : التحديات

مُساهمةموضوع: رد: قصيدة عن الام.....   الأحد سبتمبر 11, 2011 10:35 pm

صح لسانك ياملكي
الرجوع الى أعلى الصفحة اذهب الى الأسفل
قهواني
المدير العام
المدير العام
avatar

عدد المساهمات : 369
تاريخ التسجيل : 05/07/2011
العمر : 36
الموقع : عمان

مُساهمةموضوع: رد: قصيدة عن الام.....   الإثنين سبتمبر 12, 2011 4:25 pm

تسلم يا ملكي موت على قصيدة الام
الرجوع الى أعلى الصفحة اذهب الى الأسفل
http://qahwan.football4arab.net
 
قصيدة عن الام.....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم العام :: منتدى الشعر والقصائد-
انتقل الى: